امـــس اليـــوم...؟

بالأمس انا مهتـــم حيــل بلقياك
واليوم لا والله ترى القلــب ناسيك

انا الوحيد اللي من الناس يهواك
أسهر على طـول الليالــي أناديك

أنا الوحيد وكنت عايش برجـــواك
وش بك ..تغير طبعك اليوم.وش فيك؟

ماني ترى لعبه علـى كــف يمنـاك
ولانـــي ترى ساعـه تفــرّه بيدّيك

نويت أفارق سيرة الحــب وأنسـاك
واطوي مع الايام صفحـــات ماضيك

انا طموحي فوق دورات الأفــــــلاك
وأنت طموحك ما يتعدى مواطيــــك

لا تفتخر مــــادام بـانت نوايـاك
خاين على درب النذاله مساعيــــك

اليوم انا قررت من قلبــي أجفـاك
اقسم برب البيت مـا عاد لي فيــك

علمٍ يجيــك و يــاصــلك ويتعـداك
احذر دروبي تقربه في ممـــاشيــك